Elhuyar Fundazioa - Hizkuntza Zerbitzuak 

Garatutako softwarea

• Itzulpen Memoriak Kudeatzeko Sistema (IMKS): Itzulpen-proiektuaren ezaugarriak kontuan izanda, jatorrizko eta helburuko hizkuntzak desberdinak izan litezke itzulpen-lan batetik bestera. Horiek horrela, nahitaezkoa izango da itzulpen-memoria batekin baino gehiagorekin lan egitea, gaur egungo tresnak helburuko hizkuntza bat baino gehiago onartzen duten arren, jatorrizko hizkuntza bakar batekin egiten baitute lan. Proiektu berean itzulpen-memoria bat baino gehiago erabili beharrak ezinbestean eskatzen du memoria horiek behar bezala kudeatzeko tresna, eta horretarako garatu genuen Itzulpen Memoriak Kudeatzeko Sistema (IMKS)
• Itzulpendok: Itzulpen-prozesu osoa eta sortzen diren dokumentu guztiak kudeatzeko sistema. Hizkuntza Zerbitzuetako itzulpen-fluxuaren plangintza, kudeaketa eta jarraipena egiteko sistema da hau.
• Hizkuntza Kalitatea Kudeatzeko Sistema (HKS): Hizkuntza-kalitatea kudeatzearekin zerikusia duten alderdi guztiak datu-egitura eta lan-ingurune batean integratzen duen sistema da hau
• XUXENet: Euskarazko testuen ortografia zuzentzeko tresna, sarean eta Elhuyar Fundazioaren hiztegi pertsonalizatu partekatuarekin dabilena. Sarean egiten du lan, eta, horri esker, erakunde batek erabiltzailearen hiztegi bakar batekin egin dezake lan. Elhuyar Fundazioan XUXENen oinarrizko bertsioan ez dauden eta Elhuyarko hiztegigintzako datu-basean dauden hiztegi-unitateekin sortu dugu oinarrizko erabiltzaile-hiztegia